Amico optimo,
viro illustri,
Professori dignissimo,
D[omino]
Carolo Linnaeo,
S[alutem] P[lurimam] D[icit]
Bernhardus de Jussieu.
Hisce literis tuam expostulo benevolentiam pro D[omino] Cleberg, qui
nuperrime nuntium accepit de fato functo litterarum Graecarum Professore in Regia
Upsaliensi universitate. Munus hoc adimplere cupit, paratus redire in patriam, tuum
praecipue ambit suffragium, cum tibi sit notissimus. Quapropter exoro te, ut dignissimo
viro servire velis; officia quaecumque erga illum praestaveris in me lubenter recipiam,
semperque tanti beneficii memorem me habebis. Fac igitur, ut inter hos, qui regiae
majestati offeruntur, unus numeretur. Cum nostras linquet terras, fasciculum deferet tibi
selectorum seminum, grati pectoris tesseram.
Vale, vir optime, et me eodem persequi studio ne desinas!
Parisiis die 6a januarii 1746.
[Address]
a Monsieur
Monsieur Linnaeus
Professeur en Botanique
d’upsale
a Upsale