Doctissimo Linnaeo suo S[alutem] D[icit]
Ioannes Burmannus.
Cum Dom[inis] Dorvilliis[1] et Hegero Musarum amatoribus societatem inivi, ut ad vos perveniamus et transvolemus, et si domino Cliffortio molesti non erimus, ad examinandam et lustrandam Musam eum adibimus.[2] Die nempe Saturni post meridiem, ubi per horam unam alteramve morabimur, et noctem in praedio patris Dom[inorum] Dorvilliorum vicino transigemus,[3] die Solis ad urbem nostram reversuri. Horum certiorem te reddere his paucis volui, reliqua ad consortium et colloquium differens.
Interim plurimum saluta Dominum Cliffortium, et reliquos, si adsint, amicos et ab omnibus salveas et valeas. Raptim.
Amst[elaedami] 26. Ianuarii 1736.
{div-address}[address] Doctissimo viro / Dno Carolo Linnaeo / Med. Doctori etc. etc. / Amstelaedamum.
EXPLANATORY NOTES
1. Jacques Philippe d’Orville and Pierre d’Orville.
2. See Linnaeus to Johannes Burman, 24 January 1736 n.s.{L0061}.
3. Jean d’Orville.