Viro Clarissimo
D[omino] Joanni Burmanno
Medicinae Doctori Expertissimo
Professori Botanices Amstelidum Clarissimo
etc. etc. etc.
S[alutem] pl[urimam] D[icit]
Carolus Linnaeus
Pr[aefectus] H[orti] C[liffortiani]
Hora hac, qua respondeo, Litterae amicissimae Viri Celeberrimi ad me delatae fuere, ad quas respondere sequentia necessaria duco.[1]
Omnium gratissimum fore vestrum adventum Maecenati meo promitto et spondeo, si modo observetis horam musis amicam. Musam enim studiosos suos post meridiem numquam favere, sine dubio didicistis vos olim discentes, nunc multo melius docentes, hinc necessarium omnino est observare tempus. Aurora enim semper musis amica est. Hinc suadet Maecenas meus ut veniatis avidi cultores musarum necessario ante meridiem ad minimum ad horam duodecimam, praesertim cum flores Musae in hisce oris sunt tam parvi, ut si quis particulas humoris mellei rite distinguere velit, necessario microscopiis selectissimis ipso die meridiano instructus erit, post meridiem vanus erit, crede mihi, omne conamen. Veniatis itaque ante meridiem gratissimi mei Maecenatis hospitis,[sic] optimique mei fautores.
Valete, salutate salutandos salutandasque.
[Address]
A Monsieur / Monsieur Jean / Burmannus / Docteur et Professeur / Amsterdam
EXPLANATORY NOTES
1. This undated letter was written immediately after Linnaeus received the letter from Johannes Burman. See Burman to Linnaeus, 26 January 1736 n.s.{L0060}.