Vir Doctissime,
Quum ultimas meas ad Te mississem literas, in quibus significaveram opus
vestrum plane absolutum, Typographus ilico exemplaria colligere incepit. Verum is proh
dolor folia quaedam mire defoedata reperit, et non in pristinum statum restituenda, nisi
Auctor libri ipse adsit. Typographus patitur inde damnum gravissimum. Hinc heri
amplissime ad Dom[inum] Cliffortium hanc historiam per literas perscripsi, ac simul
desideravi, ut Tibi permitteret per 12 dies ad me venire et librum vestrum in sanitatem
restituere. Hisce vale, non dubitans, quin brevi literas a Cliffortio sis habiturus. Verum ne
vestes Laponicas obliviscaris precor. Iterum vale!
J[ohannes] F[redericus] Gronovius
[Address]
Myn Heer
De Heer Carolus Linnaeus
Med[icinae] D[octor]
op de
Hartecamp.
Den 28 december met de
Schuyt van elf uren