Doctissime & Amicissime D[omin]e Linnaee
Nobiliss[imus] D[ominus] Entius hisce diebus saepissime me convenit, ut cognosceret adventum Vestrum, quem (quum ultima vice una eramus) in praecedentem Lunae diem[1] tunc temporis distuleras. Hinc quoties me conveniebat, sequentem diem conjecturando praesagiebam. Tandem et heri me adlocutus est, mihique valedixit, utpote cras hora octava matutina relicturus urbem petendo Lutetiam Parisiorum. Dolet tamen summopere, quod isto favore Eum non prosequaris, quem ipsi promiseras, quippe summam sibi gratitudinem fore imaginabatur si Literas vestras D[omin]o Jussieu posset deferre, simulque Criticam vestram circa nomina.[2] Hinc ipsi promisi quod ad Te has exararem, simulque inquirerem an Literas paratas habeas, quas tunc poteris curare ut hodie transmittas, et simul indices an exemplar Critices debeam addere. Salutant Te et Cliffortium D[ominus] Lawson et van Swieten.
Vale mi Linnaee et cura sanitatem.
{div-signature}J[oannes] F[redericus] Gronovius.
Lugd[uni] Bat[avorum], 28 Julij 1737.
{div-address}[address] Mijn Heer / Mijn Heer Carolus Linnaeus Med[icinae] D[octor] / op de Hartecamp. / Met de schuyt van 9 uren den 28 Julij / Cito. Cito
EXPLANATORY NOTES
1. Monday 22 July; the letter is dated on Sunday 28 July.
2. Reference to Critica botanica.