Vir Doctissime
Quum sequenti die Martis[1] occasio sit futura mittendi parvum fasciculum ad Collinsonium, hisce Te rogatum vellem num generum characteres addere placeret pro D[omino] Collinsenio et Catesbaeo, qua de re sententiam vestram crastino die persentiscere desiderarem. De exemplaribus vestris curavi unum in veste pergamenica, quod retinebo usque jusseris quid cum eo agendum, item quoque duo exemplaria incompacta pro Collinsonio et Catesbaeo. Verum cum incertus sim num forte miseris, nolui haec Te inconsulto fecisse.
Ad Dom[inum] Schwalbe Quedlinburgi quoque fasciculum mittam. Forte et haec esset optima occasio Literas vestras D[omin]o Lessero inscriptas, quas jam diu habui, ad eum mittendi.[2]
Tandem Tournefortij Iconem Tibi offero;[3] si forte aliae accedunt ex Parisijs mihi promissae, nitidius exemplar potero dare.
Quinta decas Martini [4] jam prodijt, et sequenti hebdomade primum volumen operis Swammerdammiani [5] subscriptoribus tradetur.
Vale et cura sanitatem ac fave
J[oanni] F[rederico] Gronovio.
Dubius sum num die Mercurij[6] vos sim visitaturus, verum procellosa tempestas me plurimum deterret, adeo ut plane desistam.
Lugd[uni] Bat[avorum] 13 Jan[uarii] 1737.
EXPLANATORY NOTES
1. Tuesday 15 January 1737; the letter was written on Sunday 13 January.
2. See Gronovius’s letter of September 1736.
3. See supra Gronovius’s letter of 24 December 1736 n.s..
4. Reference to the fifth decade of John Martyn’s Historia plantarum rariorum, which was printed together with decades nos. 2, 3, and 4 in 1737.
5. Swammerdam, Bijbel.
6. Wednesday 16 January 1737.