Viro Generoso et Illustrissimo,
Equiti Aurato,
S[alutem]
Occasionem hanc nactus optimam, Generosiss[imi] Comitis de Moltke iter
ingredientis gratiosum officium in transportandis, quae Tibi mittenda haberem, offero
jam Tibi, Vir Generose, meum in cognitione insectorum specimen, Entomologiam
nuperrime editam, quae, si Tibi arrideat, multum gaudebo. Insectis simul paucis, quae
nova puto, Tuum donatur museum, ut et avibus Feroensibus binis, Catharacta nempe
sive Skua Höyeri et Puffino, Rev[erendo] D[omi]no Ström Liire vel Skraap dicto, quoad
colores a Puffinis Brissonii diverso. Si haec mea leviuscula accepta habeas, Vir
Generose, magnum erit studiorum incitamentum
Generosi et Illustrissimi Nominis Tui
Cultori devotissimo.
M[artinus] Th[rane] Brünnich
E domo Elersiana d[ie] 4 Maji 1764.
{div-address}
[address]
a Monsieur
Mons[ieu]r Charles de Linné,
Chevalier de l’ordre Nordstiernen,
Médecin premier du Roi de Suède, Professeur
de la Médicine et Botanique, Membre de l’Acad[emie]
d’Upsal, Stockholme etc. etc.
à Upsale
Avec une casse marquée C[harles] de L[inné].