Domino Perillustri
Experientissimo Celeberrimo.
Progressum meum, si quem fecerim, in historia naturali scriptis Tuis, per
orbem terrarum nunquam satis laudandis, maxime debeo, adeo ut Te, Vir Perillustris,
licet absentem, meum grato animo agnoscam Ductorem. Permitte itaque, ut huncce
Prodromum insectologiae Siaellandicae, tanquam primitias laborum meorum, Tibi
offeram; accipe propitius hoc qualecunque devotae mentis munus. Exempla exstant
evidentissima favoris Tui etiam in exteros, inprimis septentrionis filios, insignis; hinc Te
potissimum, Vir Perillustris, humillime rogo, ut me in eorum adsciscere velis numerum,
quos pateris ad Te tanquam optimum Maecenatem accedere.
Tanti Nominis
Cultor observantissimus
{div-signature}Martinus Thrane Brünniche
Hafniae d[ie] 25 Aprilis Anno 1761.
{div-address}
[address]
a Monsieur Mons[ieur] Charles Linnaeus Chevalier de Nord¬stierne
Archiatre de Sa Majesté le Roi de Suède etc.;
Professeur à l’Academie d’Upsal, Membre des
Societes des Sciences d’Upsal, de Stockholm, de Peters-
bourg, de Berlin, de Vienne, de Londres, de Mont-
pellier, de Thoulouse, de Florence.