Illustri Praesidi,
D[omino] D[octori] ABR[AHAM] BAECK,
S[alutem] pl[urimam] d[icit]
C[arolus] Linnaeus.
In litteris Marsilia datis refert D[ominus] Halman, qui Praefectus filiorum
Hildebrandi fuit, se mississe per naves ad S[erenissimam] Reginam Suem Tajacu s[ive]
moschiferum mexicanum, et alia. Jussit Gubernatori haec tradere Archiatro
S[erenissim]ae M[ajesta]tis D[omi]no Baeck, quo obtineat pretium pro transfretatione,
quod facile curabis. Sed antequam tradas hoc singulare Animal Serenissimae, quaeso,
inquiras in folliculum moschiferum supra clunes animalis intra pilos occultatum et
examines, utrum materia secernenda sit verae moschi [...].
Rumor dispersus est inter Hispanos, quod optimus Loeflingius perierit; spero meliora,
quamdiu non certo constet. Habui literas de hac re, sed adhuc spes est.
Spero Nobilissimam conjugem cum blanda filia valere. Et Tu valeas.
Upsaliae d[ie] 19 augusti 1757.
Dicas mihi, utrum D[ominus] D[octor] Bierchen petat Angliam vel non? Si
prius etiam quando?
[Address]
Archiatren
Wälborne H[err] Doctor BAECK Stockholm.