Illustriss[i]mo D[omin]o Carolo Linnaeo, Suecorum Plinio
Fr[anciscus] De Sauvages Salut[em] quam pl[urimam]
Siccine te amiserim, suavissime Linnaee, cum scilicet perlectis tuis operibus, tui vehementissimo sum raptus amore, non certe sic abibis, quin te in remotissimas usque plagas persequar; Upsaliam, bone deus! profectus est, et vanae irritaeque fuere fratris mei dum Parisiis eras investigationes, desperabam ad polum usque perventuras unquam esse meas litteras, ast Suecus istic habitans D[ominus] de Colbek animos mihi addidit; sorti itaque hanc epistolam trado, quae te certum faciat mei desiderii cui nec pudor nec modus est. Suo tempore et Floram Lapponicam[1] et methodum sexualem[2] et pretiosissima aliorum operum fragmenta accepi sed serius quam ut ad te rescribere possem cum nostris[a] regionibus ineras. Laetus dein accepi ex nunciis publicis quaedam ex tuis operibus in lucem mitti; viris Botanicis hujus provinciae opera tua botanica versari. Inde operam navavi ut quae mihi desunt ut systema naturae[3] Amstelodamo ad me mitterentur eaque in dies cupidissimus expecto. Ichthiologiam tui Artedi[4] summa cum voluptate voravi, sed ordinem alium maluissem, imo excogitavi faciliorem, quod penes tuum judicium sit, piscium characterem classicum ex pinnis dorsalibus repeto. Hinc quatuor classes aut ut tibi magis arridet ordines desumpsi:ord[o] 1o pisces in dorso apterygii 2o pisces... dipterygii; 3o p[isces]... tripterygii, 3o [sic] ... pisc[es] polypterygii; quilibet ordo in tres Sectiones subdividitur. Sectio 1a pisces... pterygii radiis spinosis, 2o pisc[es]... pter[ygii]... radiis mollibus cartilagineis & 3o pisc[es] rad[iis]... osseis non spinosis. Et in quibusdam classibus plagiuros, aliosque collocavi; genera vero Artedi tantum duo aut tria immutavi.
Gratias certe tibi summas pro tuis muneribus habeo, utinam referre possem...Theoriae medicae totus jam invigilo, mechanices lucem pro virili mutuor, et ex hujus principiis in Stalhii licet minus vigentem, sententiam descendi[b]; naturam scil[icet] esse animae facultatem quae corpori tuendo et morbis fugandis invigilat; haec est ea potentia motrix quae in nostra machina necessaria est ad motus augendos, compescendos pro salutis finibus. Aliquot inde exorta sunt opuscula polemica quae tuo judicio si potis esset, lubens subjicerem.[5] Commercium hac de re inivi cum D[omino] Michelotto Veneto et cum D[omino] Pittot acad[emiae] Paris[iensis], Hydraulico peritissimo.[6] Quaenam sit tua de febris proxima causa scire maxime vellem. Magis vero in quo statu sit valetudo tua et quid ad sanitatem recuperandam patrius aer contulerit. Scribe itaque, amice illustrissime, si Hamburgi tuas litteras D[omi]no Koenig epistolarii commercii praefecto commendes eas Monspelii accepturus sum. Secus, scribas sub involucro à Monsieur Foucard chez Monsieur Gerard secretaire de Monsieur le cardinal Defleury. En cour. Et eas tutius accipiam. Doleo semper magis ac magis te promovendis omnibus scientiis natum et aptissimum in nostris regionibus desiderari, citissime tua per remotissimas regiones nostras, fama volatura est, quod aliquantulum, quem ex absentia tua d[olorem][c] sentio, sublevabit.
Vale iterumque vale, vir o[mn]i[c] laude cumulatissime, et mihi quantocius rescribe. Nunciis siquidem tuis non nisi aegerrime careo.
De Sauvages proffessor
medicinae Monspelii.
1o decembris 1739
[Address]
a Monsieur
Monsieur Charles Linnaeus
Docteur médecin des academies d’Upsal
et des curieux de la nature
En Suéde a Upsal
par Hambourg / recommandée a Monsieur Cunig directeur des postes à Hambourg
TEXTUAL NOTES
a. MS1 <[illegible]> nostris [added above the line]
b. MS1 descendi
c. MS1 [manuscript damaged]
EXPLANATORY NOTES
1. Linnaeus, Flora Lapponica.
2. Linnaeus, Corollarium generum plantarum. Enclosed to this work was Methodus sexualis.
3. Linnaeus, Systema naturae.
4. Artedi, Ichthyologia sive opera omnia de piscibus.
5. It is difficult to know exactly which conflicts concerning the arguments between mechanists and vitalists Sauvages refers to. On the different positions taken within mid-eighteenth century vitalism, nosology and its influence on Sauvages, see French, “Sickness and the soul: Stahl, Hoffmann and Sauvages on pathology” (1990) and Martin, “Sauvage’s nosology: medical enlightenment in Montpellier” (1990).
6. Pietro Antonio Michelotti and Henri du Pitot both published works on hydraulics, but within different fields; Michelotti, De separatione fluidorum in corpore animali and Pitot, “Description d’une machine pour mesurer la vitesse des eaux courantes”.